Die doel van die eBoek is om jou uit te daag om ’n rentmeester van die aarde te word en jou rol op te eien as ’n medebestuurder van die natuurlike hulpbronne waarmee ons so ryklik geseën is. Dit fokus spesifiek op jou rol in die bestuur asook die besparing van water, en die verskil wat jy kan maak deur jou waterverbruik aan te pas.
Die 23 wenke wat hierin vervat word voorsien jou, op humoristiese wyse, van praktiese advies wat jy van Dag 1 af by die huis of by die werk kan toepas.
Dit is noodsaaklik om die eBoek as ‘n uitdaging eerder as ‘n A-Z gids oor waterbesparing te lees. Hoewel dit ‘n verskeidenheid wenke bevat word jy as leser nogmaals uitgedaag om diep te besin oor jou waterverbruik en water addisionele aanpassings jy kan maak. Jy gaan uitgedaag word om te reflekteer oor jou en jou huishouding se verbruik van water, en na te dink oor hoe jul as gesin water kan spaar. Die wenke wat hierin vervat dien dus as ’n katalisator tot bykomende aksies.
Neem Aksie!
Nadat jy die eBoek gratis afgelaai het, stuur dit asseblief aan soveel mense as wat jy dink hierby kan baatvind. Waterbesparing is ons almal se verantwoordelikheid en hoe vinniger ons ander bewus maak van hul rol hoe beter vir die voortbestaan van die mensdom.
Jy kan ’n verskil maak in die besparing van water- jy moet dit net kies.