Die doel van die eBoek is om jou aan te por om eie inisiatief te neem om iets aan jou drome en doelwitte te doen.
Die eBoek bestaan uit brokkies inligting en ’n reeks vrae om jou te help om jou lewe in ’n rigting te stuur en uiteindelik jou drome te verwesenlik. Dit is met opset soos die room op jou vroegoggend koffie- dis net genoeg om jou te laat dink oor waarheen jy op pad is met jou lewe. Vir meer aanvullende gedagtes oor drome sien gerus my boek ‘Backstage Actor: Minus a Frontstage Life’.
Al die boeke en lewenswyshede in die wêreld sal niks vir jou beteken nie, tensy jy dit aanwend en iets daadwerklik daarmee doen. Die verantwoordelikheid rus by jou.
Neem Aksie!
Nadat jy die eBoek gratis afgelaai het stuur dit asseblief aan soveel mense as wat jy dink hierby sal baat vind. Ek glo drome is soos stukkies van ’n groot legkaart wat elke individu in hul korrekte plek kan sit en sodoende help ’n om ’n wêreld te skep wat gekenmerk word deur voorspoed, vreugde en geluk. Bring jou stukkie van die legkaart en laat ons die toekoms saam bou.